मूढोऽहं मतिमन्दजो मदमयो मात्सर्यभावाकुलो।
मायाज्ञानसमाहितो भवगतः संतप्तशोकाग्निना।।
 वैराग्योन्मुखधारणां कुरु विभो शम्भो महादेव‌ हे।
त्वय्यैवाश्रितजीवनं मम सदा दुःखात्प्रभो रक्ष मे ।।1।।

mūḍho'haṃ matimandajo madamayo mātsaryabhāvākulo
māyājñānasamāhito bhavagataḥ santaptaśokāgninā ।।
vairāgyonmukhadhāraṇāṃ kuru vibho śambho mahādeva he ।
tvayy evāśritajīvanaṃ mama sadā duḥkhāt prabho rakṣa me ।।1।।

सञ्जातानि विचारतः बहु मया पापानि लोके पुरा।
त्यक्त्वा तानि सतत्वतः कथमहं ध्यायामि विद्यां परां।।
वाञ्छेऽहं तव संश्रयं सुखवरं वात्सल्यमित्यादिकम्।
त्वय्यैवाश्रितजीवनं मम सदा दुःखात्प्रभो रक्ष मे।।2।।

sañjātāni vicārataḥ bahu mayā pāpāni loke purā ।
tyaktvā tāni satattvataḥ katham ahaṃ dhyāyāmi vidyāṃ parām ।।
vāñche'haṃ tava saṃśrayaṃ sukhavaraṃ vātsalyam ityādikam ।
tvayy evāśritajīvanaṃ mama sadā duḥkhāt prabho rakṣa me ।।2।।

जाने नैव जपं तपं न पठनं पूजां न सत्यव्रतम्।
मन्त्रं नैव च भेषजं न नियमं वेदादिशास्त्रावृतम्।।
ध्यानञ्चापि न धारणां न हि यमं नोपासनं याचनम्।
षट्सम्पत्तिविधानकस्य करणं जाने न ह्याराधनम्।।3।।

jāne naiva japaṃ tapaṃ na paṭhanaṃ pūjāṃ na satyavratam ।
mantraṃ naiva ca bheṣajaṃ na niyamaṃ vedādiśāstrāvṛtam ।।
dhyānañ cāpi na dhāraṇāṃ na hi yamaṃ nopāsanaṃ yācanam ।
ṣaṭsampattividhānakasya karaṇaṃ jāne na hy ārādhanam ।।3।।

यं ब्रह्मेन्द्रसुरेन्द्रविष्णुनरनागेन्द्रादिभिर्वन्दितम्।
भस्मोद्धूलितरूपकं भयहरं भूतालयं भास्वरम्।।
सोमादित्यसुलोचनं स्वरमयं सर्वाधिपं सद्गुरम्।
वन्दे तारणकारणं तममरं तत्त्वात्मनं त्र्यम्बकम्।।4।।

yaṃ brahmendrasurendravīṣṇunaranāgendrādibhir vanditam ।
bhasmoddhūlitarūpakaṃ bhayaharaṃ bhūtālayaṃ bhāsvaram ।।
somādityasulocanaṃ svaramayaṃ sarvādhipaṃ sadgurum ।
vande tāraṇakāraṇaṃ tam amaraṃ tattvātmanam tryambakam ।।4।।

भावेनैव भजे भवं भवपरं भूतादिनाथं परम्। 
शर्वं शूलिनमायुषं शशिधरं शान्तं शिवं शङ्करम्।। 
विश्वं विश्वजितं विभुं विषधरं वेदान्तविद्यागुरुम्। 
जानामीत्यधुना सदैव मनसा नामामृतं केवलम्।।5।।

bhāvenaiva bhaje bhavaṃ bhavaparaṃ bhūtādināthaṃ param ।
śarvaṃ śūlinam āyuṣaṃ śaśidharaṃ śāntaṃ śivaṃ śaṅkaram ।।
viśvaṃ viśvajitaṃ vibhuṃ viṣadharaṃ vedāntavidyāgurum ।
jānāmīty adhunā sadaiva manasā nāmāmṛtaṃ kevalam ।।5।।

॥ इति प्रतिज्ञविरचितं श्रीशिवापराधक्षमापनपञ्चकं समाप्तम्॥
॥ iti pratijñaviracitaṃ śrīśivāparādhakṣamāpanapañcakaṃ samāptam॥